Mng_Medee

“ЭРҮҮЛ МЭНДИЙН САЛБАРЫН ӨГӨГДЛИЙН ҮНЭ ЦЭН”-ИЙГ ХЭЛЭЛЦЭЖ БАЙНА

Leave a Comment / All news, Онцлох мэдээ / elberelt

Цахим хөгжил, инновац, харилцаа холбооны яамнаас НҮБ-ын Хүүхдийн сантай хамтран “Эрүүл мэндийн өгөгдлийн үнэ цэн” салбар дундын хэлэлцүүлгийг зохион байгуулж байна. Хоёр өдөр үргэлжлэх хэлэлцүүлэгт Ерөнхий сайдын Ажлын алба, ЗГХЭГ, ЭМЯ, Боловсролын яам, ГБХНХЯ, Засгийн газрын хяналт хэрэгжүүлэх газар зэрэг 20 байгууллагын төлөөлөл оролцож, эрүүл мэндийн салбарын цахим шилжилтийг эрчимжүүлэн, салбар хоорондын мэдээлэл солилцоог хэрхэн сайжруулах талаар ажил хэрэгч санал санаачилга өрнүүлж байна. Өнөөдрийн хэлэлцүүлэгт “Эрүүл мэндийн салбарын дижитал шилжилтийн цогц арга хэмжээний төлөвлөгөөний хэрэгжилт, үр дүн”, “Цахим эрүүл мэндийн чиглэлээр хэрэгжүүлж буй үйл ажиллагаа”, “Эрүүл мэндийн мэдээллийн солилцоо ба төрөлжсөн мэдээллийн сангийн өнөөгийн нөхцөл байдал”, Нийгмийн эрүүл мэндийн мэдээллийн сангийн ажиллах журмын төсөл” сэдвээр Эрүүл мэндийн яам, НҮБ-ын Хүүхдийн сан, Эрүүл мэндийн хөгжлийн төвөөс илтгэл тавьж мэдээлэл өглөө. Ерөнхий сайд Н.Учралын “Чөлөөлье” санаачилгын хүрээнд Цахим хөгжил, инновац, харилцаа холбооны яамнаас бүх салбарын үйл ажиллагаа, мэдээлэл, шийдвэрийг иргэдэд нээлттэй, ил тод болгох, төрийн үйлчилгээг шуурхай, хялбар хүртээмжтэй хүргэх цахим бодлогыг хэрэгжүүлж байна. Эхний салбар нь эрүүл мэнд. Манай улс эрүүл мэндийн салбарт 10 жилийн өмнөөс цахимжилтыг нэвтрүүлж эхэлсэн ч эмнэлэг бүр бие даасан тусдаа систем хөгжүүлж, мэдээллээ хоорондоо солилцдоггүйгээс иргэд олон дахин шинжилгээ өгөх, эмчилгээ тасалдах, цаг хугацаа, санхүүгийн дарамтад орох зэрэг сөрөг үр дагавар байсаар ирсэн. Иймээс эрүүл мэндийн салбарын дижитал шилжилтийг нэгдсэн бодлогоор хэрэгжүүлж, иргэдэд дарамтгүй, ачаалалгүй, шуурхай, нээлттэй үйлчилгээ үзүүлдэг болох шаардлага зүй ёсоор тулгарсан. Өнгөрсөн онд ЦХИХХ, Эрүүл мэндийн сайдын хамтарсан тушаалаар “Эрүүл мэндийн салбарын дижитал шилжилтийн цогц арга хэмжээний төлөвлөгөө (2025-2028)”-г батлан хэрэгжүүлж байна. Хоёр яамнаас 2024-2025 онд хийсэн судалгаагаар эрүүл мэндийн салбарын дижитал шилжилтийн индекс 5 онооноос 2.9, кибер аюулгүй байдлын төлөвшлийн индекс 5-аас 2 байгаа юм.

“ЭРҮҮЛ МЭНДИЙН САЛБАРЫН ӨГӨГДЛИЙН ҮНЭ ЦЭН”-ИЙГ ХЭЛЭЛЦЭЖ БАЙНА Read More »

ХУУЛЬ ЗҮЙ, ДОТООД ХЭРГИЙН САЛБАРЫН ЦАХИМЖИЛТЫГ ЭРЧИМЖҮҮЛЭХ ХАМТАРСАН АЖЛЫН ХЭСЭГ БАЙГУУЛНА

Leave a Comment / Онцлох мэдээ / elberelt

Ерөнхий сайд Н.Учралын Засгийн газраас өгсөн чиглэлийн дагуу Цахим хөгжил, инновац, харилцаа холбооны яам Монгол Улсын хэмжээнд бүх салбарын үйл ажиллагааг цахимжуулах, мэдээллийг иргэдэд нээлттэй, ил тод болгох, төрийн үйлчилгээний хүртээмжийг сайжруулахад нэгдсэн бодлогыг хэрэгжүүлэн ажиллаж байна. Энэ хүрээнд Хууль зүй, дотоод хэргийн салбарын цахимжилтад үнэлгээ хийж иргэдэд нээлттэй, ил тод, хялбар иргэдийн хяналттай болгох зорилгоор Цахим хөгжил, инновац, харилцаа холбооны яам болон Хууль зүй, дотоод хэргийн яам хамтарсан Ажлын хэсэг байгуулахаар шийдвэрлэлээ. Ажлын хэсгийн чиг үүрэг: Цахим хөгжил, инновац, харилцаа холбооны яам, И Монгол академи, Үндэсний дата төв, Кибер халдлага, зөрчилтэй тэмцэх нийтийн төв: Салбарын хэмжээнд ашиглагдаж буй системийн үйл ажиллагаа болон аюулгүй байдал, техник тоног төхөөрөмжийг үнэлэх, мэдээллийн нэгдсэн санг бүрдүүлж, ажлын уялдаа холбоог хангахад зөвлөн туслах. Хууль зүй, дотоод хэргийн яам: Холбогдох хууль тогтоомжид дагалдах өөрчлөлтүүдийг хийх. Талууд ийнхүү чиг үүргээ харилцан тохиролцож, салбарын цахимжилтыг шинэ шатанд гаргахаар хэлэлцлээ.

ХУУЛЬ ЗҮЙ, ДОТООД ХЭРГИЙН САЛБАРЫН ЦАХИМЖИЛТЫГ ЭРЧИМЖҮҮЛЭХ ХАМТАРСАН АЖЛЫН ХЭСЭГ БАЙГУУЛНА Read More »

Харилцаа холбоо, мэдээллийн технологийн салбарын хөгжилд үнэтэй хувь нэмэр оруулсан мэргэжилтнүүдийг шагналаа

Leave a Comment / Mng_Medee, All news / MDDIC

Цахим хөгжил, харилцаа холбоо, мэдээллийн технологийн салбарыг хөгжүүлэхэд үнэтэй хувь нэмэр оруулсан, салбартаа болон компанидаа мэргэжлээрээ олон жил үр бүтээлтэй ажиллаж буй “Скайтел” ХХК-ийн мэргэжилтнүүдийг шагнаж урамшууллаа. Мэргэжлийн туршлага, ур чадвараар хамт олондоо үнэлэгдсэн ажилтнуудад Монгол Улсын Ерөнхийлөгчийн 2024 оны арваннэгдүгээр сарын 22-ны өдрийн зарлигаар Төрийн одон, медаль олгохоор шийдвэрлэсэн. Үүний дагуу шагналыг Цахим хөгжил, инновац, харилцаа холбооны сайд Ц.Баатархүү гардуулан өгч, баяр хүргэж ажлын амжилт хүслээ. Тодруулбал, “Скайтел” ХХК-ийн Технологийн газрын Хэрэглэгчдийн сүлжээний албаны захирал Ш.Мөнгөнчимэг Хөдөлмөрийн гавъяаны улаан тугийн одон, Үйл ажиллагааны газрын худалдан авалт, аж ахуйн албаны жолооч Д.Мөнхбат Алтангадас одонгоор шагнуулсан байна. Мөн Хөдөлмөрийн хүндэт медалиар Маркетингийн газрын Бүтээгдэхүүн хөгжүүлэлтийн албаны захирал Г.Сайнбаяр, Борлуулалтын үйлчилгээний газрын Мобайл борлуулалтын албаны хэлтсийн менежер Э.Мөнхбаяр, Борлуулалтын үйлчилгээний газрын Медиа борлуулалтын албаны Ахлах мэргэжилтэн Д.Уранчимэг, Технологийн газрын Техник төлөвлөлт, инновацийн албаны мэргэжилтэн Ш.Лхамсүрэн нар шагнууллаа. Энэ жил үүрэн холбооны үндэсний оператор “Скайтел” ХХК-ийн 25 жилийн ойн баяр тохиож байна. “Скайтел” компанийнхандаа халуун баяр хүргэе.

Харилцаа холбоо, мэдээллийн технологийн салбарын хөгжилд үнэтэй хувь нэмэр оруулсан мэргэжилтнүүдийг шагналаа Read More »