Gantuya Lkhagvasuren

Цахим хөгжил, инновац, харилцаа холбооны яам-ны дэд сайд Г.Баярхүү, О.Батжаргал Дорноговь аймгийн Засаг даргын хамтаар мэдээллийн технологийн салбарт үйл ажиллагаа явуулж буй байгууллагуудын төлөөлөлтэй уулзалт зохион байгууллаа. Тус уулзалтад “Мита” мэдээллийн технологийн нэгдсэн холбоо ТББ, “Гэрэгэ Киоск” ХХК, “Интерактив” ХХК, “Монголын цахилгаан холбоо” ХХК, “Тесо Инвестмэнт” групп, “Гэганэт” ХХК, “Сайнс кафе Улаанбаатар” ХХК, “Вертуалплас Монголиа” ХХК, “Текстрим” ХХК, “Апптеч” ХХК зэрэг байгууллагууд оролцож, өөрсдийн хөгжүүлсэн систем, нэвтрүүлсэн технологийн шийдлүүдийг танилцуулж, туршлага солилцлоо. Уулзалт нь “Цахимаар нэн тэргүүнд” үндэсний хөдөлгөөнийг Дорноговь аймагт хэрэгжүүлж буйтай холбогдуулан зохион байгуулагдсан бөгөөд орон нутгийн цахим шилжилтийг эрчимжүүлэх, “Цахим аймаг – Ухаалаг хот” зөвлөмжийг бодитоор хэрэгжүүлэхэд чиглэсэн хамтын ажиллагааны боломжуудыг хэлэлцэв. Хэлэлцүүлгийн хүрээнд дараах чиглэлүүдэд онцгойлон анхаарч, хамтран ажиллахаар санал солилцлоо. Үүнд: Талууд цаашид хамтын ажиллагааг өргөжүүлж, орон нутгийн цахим шилжилтийг бодит үр дүнд хүргэхэд чиглэсэн ажлуудыг үе шаттайгаар хэрэгжүүлэхээр санал нэгдлээ.

Цахим хөгжил, инновац, харилцаа холбооны яамнаас хэрэгжүүлж буй “Цахимаар нэн тэргүүнд” үндэсний хөдөлгөөний хүрээнд ЦХИХХ-ны дэд сайд Г.Баярхүү илтгэл тавьж, Монгол Улсын цахим шилжилтийн бодлого, хэрэгжилтийн явцыг танилцууллаа. Тэрээр илтгэлдээ “Цахимаар нэн тэргүүнд” бодлогын зөвлөмжийн хүрээнд Монгол Улсад цахим шилжилтийг эрчимжүүлж, төрийн үйлчилгээг иргэдэд илүү хурдан, хялбар, хүртээмжтэй хүргэх зорилт тавин ажиллаж байгааг онцлов. Энэхүү бодлогын хэрэгжилтийн үр дүнд төрийн үйлчилгээний чанар, хүртээмж сайжирч, иргэдийн цаг хугацаа, зардлыг хэмнэсэн бодит үр өгөөжүүд бий болж байгааг дурдлаа. Мөн цаашид дэвшилтэт технологи, инновацад тулгуурлан цахим засаглалыг шинэ шатанд гаргаж, иргэн төвтэй, ухаалаг үйлчилгээний тогтолцоог бүрдүүлэх өргөн боломж нээгдэж байгааг тэмдэглэв. Тус арга хэмжээ нь Монгол Улсын цахим шилжилтийг эрчимжүүлэх, төрийн үйлчилгээг шинэ түвшинд хүргэхэд чиглэсэн бодлогын хэрэгжилтийг олон нийтэд танилцуулах, хамтын оролцоог нэмэгдүүлэхэд чухал ач холбогдолтой юм.

Цахим хөгжил, инновац, харилцаа холбооны сайд Э.Батшугар “Цахим Дорноговь” арга хэмжээг нээж цахимаар мэндчилгээ дэвшүүллээ. Тэрээр мэндчилгээндээ Монгол Улсын урт хугацааны хөгжлийн бодлого болох “Алсын хараа–2050”, “Шинэ сэргэлтийн бодлого”-ын хүрээнд төрийн үйлчилгээг цахимжуулж, иргэн төвтэй, хүртээмжтэй, өгөгдөлд суурилсан тогтолцоог бүрдүүлэх зорилтыг хэрэгжүүлж буйг онцлон тэмдэглэлээ. Мөн төрийн бүтээмжийг нэмэгдүүлэх, байгууллагуудын мэдээллийн уялдаа холбоог сайжруулах, нэгдсэн өгөгдлийн дэд бүтцийг бий болгох, цаасан суурьтай олон шат дамжлагатай үйл явцыг халж, бүхнийг цахимаар шийдвэрлэх шаардлагатайг дурдав. Түүнчлэн “Цахимаар нэн тэргүүнд” үндэсний хөдөлгөөний хүрээнд цахим хэрэглээг нэмэгдүүлэх, иргэдийн цахим ур чадварыг дээшлүүлэх, орон нутгийн хэрэгцээнд суурилсан шийдлүүдийг нэвтрүүлэхэд төр, хувийн хэвшил, олон улсын байгууллагуудын хамтын ажиллагаа чухал болохыг онцоллоо. Төгсгөлд нь тэрээр төрийн үйл ажиллагааг илүү уялдаа холбоотой, үр ашигтай болгож, дэвшилтэт технологийг нэвтрүүлэхэд хамтран ажиллахыг уриалж, арга хэмжээнд оролцогчдод амжилт хүслээ

“Цахим Дорноговь” арга хэмжээний хүрээнд хөгжлийн бэрхшээлтэй иргэдэд зориулсан цахим орчны мэдлэг, ур чадвар олгох сургалтыг “И-Монгол академи” УТҮГ-ын Сургалт хариуцсан мэргэжилтэн Г.Батдэлгэр орж амжилттай зохион байгуулагдлаа. Сургалтын үеэр оролцогчид: Төрийн үйлчилгээг цахимаар авах Харилцаа холбоо тогтоох Цаашлаад хөдөлмөр эрхлэх боломжуудын талаар мэдээлэл авч Өдөр тутмын амьдралдаа ашиглах практик ур чадвар эзэмшлээ Энэхүү сургалт нь зөвхөн мэдлэг олгохоос гадна оролцогчдын харилцан ойлголцол, дэмжлэг, хамтын хөгжлийг бэхжүүлэх чухал ач холбогдолтой болсон юм. Оролцогчдын идэвх, оролцоо нь уг санаачилгын амжилтыг тодорхойлох чухал хүчин зүйл болохыг зохион байгуулагчид онцоллоо.

“Цахим Дорноговь” өдөрлөгийн хүрээнд мэдээлэл харилцаа холбооны технологийн салбарын ажилтнуудад зориулсан цахим хэрэглээний аюулгүй байдлын сургалт зохион байгуулагдаж ажилтан оролцов. Сургалтын үеэр оролцогчид хиймэл оюуны хэрэглээ, мэдээллийн аюулгүй байдлын шинэ эрсдэл, байгууллагын системийн уялдаа холбоо, халдлага, зөрчил илэрсэн тохиолдолд авах арга хэмжээний талаарх мэдлэг, туршлагаа дээшлүүллээ. Оролцогчид сургалтад идэвхтэй оролцож, санал бодлоо солилцон, мэдлэгээ бататгалаа.

Монгол Улсын Засгийн газрын 2025 оны 108 дугаар тогтоолоор батлагдсан бодлогын зөвлөмжийн хүрээнд цахим шилжилтийг эрчимжүүлэх, төрийн үйлчилгээг иргэдэд илүү хурдан, хялбар, хүртээмжтэй хүргэх зорилготой “Цахимаар нэн тэргүүнд” үндэсний хөдөлгөөн албан ёсоор эхэллээ. Үндэсний хөдөлгөөнийг Дорноговь аймгаас эхлүүлж Сайншанд хотод “Цахим Дорноговь” өдөрлөг нээлтээ хийлээ. Иргэн бүрд тэгш хүртээмжтэй цахим үйлчилгээг бий болгох Төрийн үйлчилгээг илүү шуурхай, ил тод болгох Цаг хугацаа, зардлыг хэмнэсэн ухаалаг хэрэглээг хэвшүүлэх “Цахим үндэстэн” болох зорилтын хүрээнд зохион байгуулагдаж байгаа дээрх сургалтууд Төрийн албан хаагчдад зориулсан сургалтаар эхэллээ. “Цахим Дорноговь” өдөрлөгийн нээлтийн арга хэмжээг Цахим хөгжил инновац харилцаа холбооны дэд сайд Г.Баярхүү, Дорноговь аймгийн засаг дарга О.Батжаргал нар нээж үг хэлээ. Цахим хөгжил, инновац, харилцаа холбооны дэд сайд Г.Баярхүү сургалтын нээлтийн үеэр онцлохдоо:“Орчин цагт төрийн үйлчилгээний чанар, хүртээмжийг сайжруулах, ил тод байдлыг нэмэгдүүлэх, иргэдэд ээлтэй, шуурхай үйлчилгээг бий болгоход цахим шилжилт, хиймэл оюуны хэрэглээ нэн чухал байр суурийг эзэлж байна. Иймээс төрийн албан хаагч бүр шинэ мэдлэг, ур чадварыг эзэмшиж, технологийн дэвшлийг үйл ажиллагаандаа зөв, үр дүнтэй ашиглах нь бидний хамтын зорилго юм” хэмээн тэмдэглэлээ. Дорноговь аймгийн Засаг дарга О.Батжаргал мөн хэлэхдээ:“Бид төрийн үйл ажиллагаагаа хурдан шуурхай явуулахын тулд цахимд шилжих шаардлага гарч байна. Ялангуяа төрийн албан хаагчид ажлын бүтээмжээ дээшлүүлэхийн тулд технологийн дэвшилтэй хөл нийлүүлэн цахимд шилжих нь зайлшгүй. Хиймэл оюун ухаанд суурилсан үйл ажиллагааг нэвтрүүлснээр төрийн албан хаагчдын ачаалал буурч, ажлын бүтээмж мэдэгдэхүйц сайжирна” гэдгийг тодотгов. Хоёр өдөр үргэлжлэх энэхүү өдөрлөг нь төр, хувийн хэвшил, технологийн салбар болон иргэдийн хамтын оролцоонд тулгуурласан өргөн хүрээний арга хэмжээ бөгөөд 2025.03.26 -ний өдөр аймгийн төрийн албан хаагчид, Аймгийн ЗДТГ-ын хэлтэс, ИТХ, агентлагийн дарга нарт зориулсан сургалт болон Иргэд, ахмад настан хөгжлийн бэрхшээлтэй иргэд түүнчлэн ЕБС-ын сурагчдад зориулсан цахим ур чадварын сургалт, зөвлөгөө, E-Mongolia, E-Business зэрэг төрийн цахим үйлчилгээний танилцуулга, заавар, Мэдээллийн аюулгүй байдал, цахим орчны эрсдэлээс сэргийлэх сургалтууд, хугацаат цэргийн албан хаагчдад зориулсан сургалт, И-сдортын тэмцээн зэрэг сургалт арга хэмжээнүүд зохион байгуулагдаж байна. Мөн өдөрлөгийн хүрээнд төрийн байгууллагуудын зөвлөгөө мэдээлэл, иргэдийн санал хүсэлт авах уулзалт, хэлэлцүүлгийг зохион байгуулж, орон нутагт тулгамдаж буй асуудлыг цахим шийдлээр хэрхэн оновчтой шийдвэрлэх талаар санал солилцоно. Үүний зэрэгцээ залуу бизнес эрхлэгчид, иргэдийн оролцоог нэмэгдүүлэхэд чиглэсэн идэвхжүүлэлт, интерактив хөтөлбөрүүд хэрэгжих нь ээ. “Цахим Дорноговь” өдөрлөг нь төрийн үйлчилгээг илүү хүртээмжтэй, шуурхай, үр ашигтай болгох, иргэдийн цаг хугацаа, зардлыг хэмнэх, цахим хэрэглээг нэмэгдүүлэхэд чухал ач холбогдолтой юм.

Монгол хүн сансарт ниссэний 45 жилийн ойг тохиолдуулан 2026 оны 3 дугаар сарын 22-ны өдөр “Сансрын хамтын ажиллагаа” агаар сансрын технологийн олон улсын эрдэм шинжилгээний хурал боллоо.    Тус хурлыг Монгол улсын ерөнхий сайд Г.Занданшатар нээж үг хэлсэн бөгөөд Цахим хөгжил, инновац, харилцаа холбооны сайд Э.Батшугар, сансрын нисгэгч  хошууч генерал БНМАУ-ын баатар, ЗХУ-ын баатар Ж.Гүррагчаа  болон Ази тивийн анхны сансрын нисэгч, Вьетнам Улсын Зэвсэгт хүчний баатар, генерал Фам Туан, нар оролцов. Цахим хөгжил, инновац, харилцаа холбооны сайд Э.Батшугар: Өнөөдөр бид Монгол хүн сансарт ниссэний 45 жилийн түүхэн ойг тэмдэглэхийн зэрэгцээ сансрын шинжлэх ухаан, технологийн хөгжил, хамтын ажиллагааны асуудлаар эрдэм шинжилгээний хурлыг зохион байгуулж байгаад туйлын баяртай байна. Өнөөдрийн арга хэмжээ нь Ази, Номхон далайн сансрын хамтын ажиллагааны байгууллага, түүний гишүүн орнуудын төлөөлөл, болон “Интерспутник” олон улсын сансрын холбооны байгууллагатай мөн хамтран зохион байгуулж буй онцгой арга хэмжээ болж байна. Энэ нь Монгол Улс сансрын салбарт олон улсын хамтын ажиллагааг өргөжүүлэх, шинэ шатанд гаргах бодлогын бодит илэрхийлэл болж байна. Сансрын технологи нь өнөөдөр зөвхөн шинжлэх ухааны салбарт бус, харилцаа холбоо, байгаль орчны мониторинг, гамшгийн менежмент, үндэсний аюулгүй байдал зэрэг олон салбарт чухал үүрэг гүйцэтгэж байна. Ялангуяа хөгжиж буй орнуудын хувьд хиймэл дагуулын технологийг үр ашигтай ашиглах нь тогтвортой хөгжлийн гол хөшүүрэг болох нь тодорхой боллоо. Ойн хүрээнд зохион байгуулагдаж буй “Сансрын хамтын ажиллагаа” олон улсын эрдэм шинжилгээний хурлыг цаашид уламжлал болгон зохион байгуулж, цар хүрээг өргөжүүлэн ажиллах бодолтой байна гэлээ.

Монгол Улсын мэдээлэл, харилцаа холбооны технологийн (МХХТ) салбарыг дэмжих зорилготой “МХХТ-ийн салбарыг хөгжүүлэх төсөл” албан ёсоор хэрэгжиж эхэллээ. Тус төслийг Монгол Улсын Цахим хөгжил, инновац, харилцаа холбооны яам, Японы Олон улсын хамтын ажиллагааны байгууллага (JICA) болон Мэдээллийн технологийн үндэсний парк (МТҮП) хамтран 2028 он хүртэлх 3 жилийн хугацаанд хэрэгжүүлэхээр төлөвлөж байна. Энэхүү төсөл нь Монгол Улсын мэдээллийн технологийн салбарын хөгжлийг дэмжих, салбарын бодлого, эрх зүйн орчныг боловсронгуй болгох, экосистемийг бэхжүүлэх замаар тогтвортой өсөлтийг хангахад чиглэж байгаа юм. Төслийн бэлтгэл ажлын хүрээнд 2025 оны 6 дугаар сард талууд хамтын ажиллагааны санамж бичигт, мөн 2025 оны 9 дүгээр сард төслийн баримт бичгүүдэд гарын үсэг зурсан бөгөөд үүний үр дүнд төсөл 2026 оноос албан ёсоор хэрэгжиж эхэлж байна. JICA-ийн хийсэн судалгаагаар Монгол Улсын мэдээллийн технологийн салбарын тогтвортой хөгжлийг хангахын тулд салбарын экосистемийг цогцоор нь дэмжих шаардлагатай гэж дүгнэсэн бөгөөд энэ хүрээнд дараах 5 үндсэн зорилтын хүрээнд төсөл хэрэгжинэ. Үүнд: Эдгээр зорилтыг хэрэгжүүлэх хүрээнд 5 ажлын хэсэг байгуулж, төр, хувийн хэвшил, стартап болон холбогдох байгууллагуудын оролцоотойгоор хамтран ажиллах юм. Төслийн хүрээнд хэрэгжүүлэх гол ажлууд Төслийн хүрээнд дараах чиглэлүүдэд бодит ажлууд хэрэгжинэ. Стратегийн ач холбогдол Энэхүү төсөл нь Монгол Улсын ICT салбарын хөгжлийг шинэ шатанд гаргах, олон улсын хамтын ажиллагааг бодит үр дүнд хүргэх стратегийн ач холбогдолтой юм. Мөн Мэдээллийн технологийн үндэсний паркийг олон улсын жишиг парк болгон хөгжүүлэх зорилготой уялдан хэрэгжиж байна. Нээлтийн уулзалт Төслийн Kick-off meeting буюу нээлтийн арга хэмжээ 2026 оны 3 дугаар сарын 19-ний өдөр (Пүрэв гарагт) Мэдээллийн технологийн үндэсний парк-т зохион байгуулагдлаа. Тус уулзалтын үеэр төслийн зорилго, хэрэгжүүлэх ажлын чиглэлүүдийг танилцуулж, хамтын ажиллагааны 5 ажлын хэсгийг байгууллаа.  

Цахим хөгжил, инновац, харилцаа холбооны яам Цөлжилттэй тэмцэх тухай НҮБ-ын конвенцын (UNCCD) Талуудын 17 дугаар бага хурлын бэлтгэл ажлын хүрээнд ажлын хэсгийн уулзалтыг зохион байгуулж, UNCCD-ийн Гүйцэтгэх нарийн бичгийн даргын орлогч хатагтай Андреа Меза Мурильо болон тус конвенцын төлөөлөгчдийг хүлээн авч уулзлаа. Уулзалтыг ЦХИХХ-ны дэд сайд Г.Баярхүү нээж, Монгол Улсад зохион байгуулагдах COP17 бага хурлын бэлтгэл ажлын хүрээнд анхаарах гол чиглэлүүдийг танилцууллаа. Тэрээр бага хурлын албан ёсны вэб сайтын хөгжүүлэлт, дэд бүтцийн бэлтгэл, медиа төвийн төлөвлөлт, мөн олон улсын хэвлэл мэдээлэл болон олон нийтэд мэдээллийг шуурхай, хүртээмжтэй хүргэх харилцаа холбоо, мэдээллийн үйл ажиллагааг зохион байгуулах асуудлуудыг онцлон тэмдэглэв. Мөн бага хурлын үеэр зохион байгуулагдах Ногоон бүс болон медиа ногоон бүсийн зохион байгуулалт чухал ач холбогдолтой болохыг илэрхийллээ. ЦХИХХ-ны яам, COP17 бага хурлын бэлтгэл ажлын хүрээнд мэдээлэл, харилцаа холбоо, дижитал платформын зохион байгуулалтыг хангах чиглэлээр холбогдох байгууллагуудтай хамтран ажиллаж байгаа.  Уулзалтын үеэр бага хурлын видео, аудио системийн бэлтгэл, хэвлэл мэдээллийн байгууллагуудад зориулсан шууд дамжуулалтыг зохион байгуулах техникийн шийдлийн талаар хэлэлцэв. Энэ хүрээнд РТҮС УТҮГ-ийн Гүйцэтгэх захирал Ц.Пүрэвням бага хурлын үйл ажиллагааг телевиз болон цахим сувгуудаар шууд дамжуулах техникийн боломж, зохион байгуулалтын талаар танилцууллаа. Мөн бага хурлын албан ёсны вэб сайтын хөгжүүлэлтийн явц, тулгамдаж буй асуудал болон цаашид анхаарах асуудлуудын талаар “И-Монгол” академийн төлөөлөл С.Тулга танилцуулга хийж, веб сайтын бүтэц, мэдээллийн хүртээмж, олон улсын хэрэглэгчдэд чиглэсэн мэдээллийн зохион байгуулалтыг сайжруулах талаар мэдээлэл өглөө. Энэ үеэр UNCCD-ийн Гүйцэтгэх нарийн бичгийн даргын орлогч хатагтай Андреа Меза Мурильо Монгол Улс төлөөлөгчдийг халуун дотноор хүлээн авч байгаад талархал илэрхийлж, COP17 бага хурлыг зохион байгуулах бэлтгэл ажлыг хангахад талуудын уялдаа холбоо, хамтын ажиллагаа чухал ач холбогдолтойг онцлон тэмдэглэлээ. Уулзалтын төгсгөлд талууд COP17 бага хурлын бэлтгэл ажлыг уялдуулан зохион байгуулах, мэдээлэл солилцоог эрчимжүүлэх, хамтын ажиллагааг бэхжүүлэх чиглэлээр цаашид нягт хамтран ажиллахаар санал нэгдэв.

Бүгд Найрамдах Индонез Улсын Дээд боловсрол, шинжлэх ухаан, технологийн яамнаас хөгжиж буй орнуудын иргэдэд зориулсан KNB Scholarship 2026 тэтгэлэгт хөтөлбөрийн сонгон шалгаруулалтыг зарлалаа. Уг тэтгэлгээр Индонезийн 47 их сургууль, 1,173 сургалтын хөтөлбөрт бакалавр, магистр, докторын түвшинд суралцах боломжтой. Тэтгэлэгт сургалтын төлбөр, амьжиргааны тэтгэмж, эрүүл мэндийн даатгал, хэлний бэлтгэл, судалгаа болон номын зардал, очих-буцах эдийн засгийн ангиллын нислэгийн зардал багтаж байна. Өргөдлийг 2026 оны 2 дугаар сарын 2-ноос 3 дугаар сарын 31-ний өдөр хүртэл цахимаар хүлээн авах бөгөөд эцсийн дүнг 2026 оны 6 дугаар сарын 19-ний өдөр зарлана. Өргөдөл гаргагч нь нас, боловсролын зэрэг, англи хэлний мэдлэгийн шаардлага хангасан байхаас гадна паспорт, диплом, дүнгийн хуулбар, тодорхойлолт, эрүүл мэндийн магадалгаа болон бусад холбогдох баримт бичгийг бүрдүүлнэ. Монгол Улсын иргэд зөвлөмжийн захидал авах асуудлаар Бээжин дэх Бүгд Найрамдах Индонез Улсын Элчин сайдын яамтай холбогдох боломжтой. Өргөдөл гаргах үйл явц📈 Нэр дэвшигчид өргөдлийн вэб хуудас руу орох шаардлагатай. Тэндээс та саналын захидлыг татаж авах боломжтой. Нэр дэвшигчид байгаа жагсаалттай танилцаж, хүссэн сургалтын хөтөлбөрөө сонгох боломжтой. Албан ёсны вэбсайтын холбоос 🌐 http://knb.kemdiktisaintek.go.id