ҮЙЛ ЯВДАЛ ЦХХХ-ны сайд Н.Учрал: “Төрийн их өгөгдөл” төслийг хэрэгжүүлэх ажлын хэсэг байгуулна 2022.09.21 ЦХХХ-ны сайд Н.Учрал Үндэсний статистикийн хорооны удирдлагуудтай уулзаж “Төрийн их өгөгдөл” төслийг хэрэгжүүлэх талаар санал солилцож, хамтарсан ажлын хэсэг байгуулахаар боллоо. Төрийн бодлого боловсруулахад салбар хоорондын хамаарал, түүнийг илэрхийлсэн их тоон өгөгдлийн сангийн хэрэгцээ улам нэмэгдэж байна. Улсын хөгжлийн бодлого үр дүнтэй байх эсэх нь салбар хоорондын бодлогын уялдаа үр дүнтэй байхаас ихээхэн хамаардаг. Салбар хоорондын бодлогын уялдааг нэгдсэн тоон мэдээллийн сангүйгээр үнэлэх боломжгүй юм. “Төрийн их өгөгдөл” төсөл нь энэ боломжийг бүрдүүлж төрийн бодлогыг тодорхойлоход тухайн нэг иргэн, өрх, аж ахуйн нэгжийн хувьд нийгэм, эдийн засгийн бүрэн хэмжээний түүхэн өгөгдөлд суурилах боломж бүрдэх юм. Мөн мэдээллийг холбож, уялдуулах, боловсруулалт, тооцоолол хийх үйл ажиллагаа хурдан шуурхай, ухаалаг болж, цогц мэдээллийг нэг дороос авах, төрийн бодлого үр дүнтэй, зорилтот бүлэгтээ хүрэн, төрийн шийдвэр өргөн хүрээг хамарч, оновчтой болно. Улмаар урт хугацааны өөр, өөр багц өгөгдлүүдийг холбон уялдуулах, шинжилгээ, судалгааны ажлын хамрах хүрээг өргөжүүлэх боломж бүрдэх юм. Share on facebook Share on twitter Бусад мэдээ

Цахим хөгжил, инновац, харилцаа холбооны сайд Э.Батшугар, ЦХИХХ-ны дэд сайд Г.Баярхүү нар Монгол дахь НҮБ-ын Хөгжлийн хөтөлбөрийн Суурин төлөөлөгч Матилда Димовскаг хүлээн авч уулзлаа. Монгол Улс дахь НҮБ-ын байгууллагууд Цахим хөгжил, инновац, харилцаа холбооны яамтай  олон чиглэлээр хамтран ажиллаж байна. Тухайлбал: -Цахим үйлчилгээг алслагдсан сумдад хүргэх, -Иргэдийн цахим ур чадварыг дээшлүүлэх цахим мэдээллийн ажилтнуудыг сургах,  -Монгол Улсын хиймэл оюуны хөтөлбөрийг дэмжих, -Хиймэл оюуны бэлэн байдлыг үнэлэх, -1000 гаруй залуусыг Хиймэл оюуны элчээр томилох, -е-Бизнес платформыг хөгжүүлж, ЖДҮ, ялангуяа орон нутгийн бизнес эрхлэгчдийг дэмжих, -Кибер гэмт хэрэгтэй тэмцэх, -Хөдөө аж ахуйн дижитал платформыг хөгжүүлэх, хөдөөгийн иргэд, малчдын цахим боловсролыг дэмжих , -Цахим холболт, кибер аюулгүй байдал, цахим хөгжлийн үндэсний чадавх бэхжүүлэх зэргээр дэмжлэг үзүүлж байна. ЦХИХХ-ны дэд сайд Г.Баярхүү Монгол Улсын  Засгийн газрын  “Шинэ итгэл-Эрс шинэтгэл 2026-2030”  Монгол Улсыг  хөгжүүлэх таван жилийн  хөгжлийн хөтөлбөрийн  чиглэл болоод    “Цахимаар нэн тэргүүнд”  бодлого, стратегийн зорилтын талаар танилцуулга хийлээ.   НҮБ-ын Хөгжлийн хөтөлбөрийн болон Цахим хөгжил, инновац, харилцаа холбооны яам  цаашид Монгол Улсад амжилттай хэрэгжсэн “Төрийн цахим үйлчилгээний хүртээмжийг сайжруулах, олон нийтийн цахим ур чадварыг нэмэгдүүлэх” (DEMOSC) төслийн туршлагад тулгуурлан иргэдийн дижитал болон хиймэл оюуны суурь мэдлэгийг нэмэгдүүлэх, орон нутагт төрийн цахим үйлчилгээний хүртээмжийг сайжруулах чиглэлд хамтын ажиллагаагаа үргэлжлүүлэхээр санал нэгдэв.

Дэлхийн Банкны дэмжлэгтэйгээр Цахим хөгжил, инновац, харилцаа холбооны яам-ны хэрэгжүүлж буй “Ухаалаг Засаг 2” төслийн хүрээнд “Үндэсний цахим хөгжлийн индексийн судалгаа”-ны ажлыг гүйцэтгэгчийг сонгон шалгаруулах тендер шалгаруулалтад санал ирүүлэхийг урьж байна. Хугацаа: 2026 оны 02-р сарын 25-ны өдөр, 17:00 цаг 00 минут ************ The World Bank-financed Smart Government II Project, implemented by the Ministry of Digital Development, Innovation and Communications invites Proposals  from the eligible consulting firms (“Consultants”) for the “Mongolia’s Digital Government Transformation Level Assessment” to evaluate the current state of digital transformation in public service delivery and the digital readiness of stakeholders in Mongolia, aligned with international best practices. Deadline: February 25, 2026, 17:00 PM