ЦХХХ-ны сайд Н.Учрал: Цахим хөгжлийг үр дүнтэй хэрэгжүүлэхийн тулд 174 хуульд нэмэлт, өөрчлөлт оруулна

Монгол Улсын бүх сум төрийн цахим үйлчилгээний КИОСК машинтай болж байна

2025-05-30

Төрийн үйлчилгээг орон нутгийн иргэдэд хүртээмжтэй, хялбар, шуурхай хүргэх зорилгоор Цахим хөгжил, инновац, харилцаа холбооны сайд Ц.Баатархүү орон нутгаас сонгогдсон УИХ-ын гишүүдийн идэвх, оролцоотойгоор Монгол Улсын 330 суманд төрийн цахим үйлчилгээний киоск машиныг үе шаттайгаар байршуулах ажлыг эхлүүлээд байна. Эхний ээлжид, доорх 11 аймгийн нийт сумдад киоск машиныг хүлээлгэн өгөөд байна № Аймаг Сумын тоо Одоо байгаа киоск машины тоо Нэмэлтээр өгсөн киоск машины тоо Нийт байршуулсан киоскны тоо 1 Баянхонгор 20 3 20 23 2 Баян-Өлгий 14 4 10 14 3 Булган 16 15 5 20 4 Говь-Алтай 18 5 18 23 5 Дорноговь 14 4 12 16 6 Завхан 24 7 19 26 7 Орхон 2 6 2 8 8 Сэлэнгэ 17 5 17 23 9 Төв 27 3 27 30 10 Хөвсгөл 23 3 22 25 11 Хэнтий 23 3 22 25 Эдгээр киоск машинаар дамжуулан иргэд дараах үйлчилгээг авах боломжтой:

БНСУ-ын Шинжлэх ухаан, мэдээлэл, харилцаа холбооны технологийн яамтай Харилцан ойлголцлын Санамж бичиг байгуулав

2026-07-09

Цахим хөгжил, инновац, харилцаа холбооны сайд Ч.Номин, БНСУ-ын Шадар сайд бөгөөд Шинжлэх ухаан, мэдээлэл, харилцаа холбооны технологийн сайд Бэ Кён Хүн нар Харилцан ойлголцлын санамж бичгийг үзэглэв. Харилцан ойлголцлын санамж бичгийн хүрээнд хиймэл оюун ухаан, дижитал шилжилт, 5G/6G сүлжээ, дижитал дэд бүтэц, болон хүний нөөцийн чадавхыг бэхжүүлэх чиглэлээр харилцан ашигтай хамтын ажиллагааг өргөжүүлж, инновацад суурилсан тогтвортой хөгжлийг дэмжих нөхцөлийг бүрдүүлнэ. Ингэснээр Монгол Улсын цахим хөгжил, технологийн өрсөлдөх чадвар нэмэгдэхийн зэрэгцээ хоёр улсын стратегийн түншлэлийн агуулга улам гүнзгийрч, урт хугацааны тогтвортой хамтын ажиллагааны суурь бэхжих юм.

Э.Батшугар: Оксфордын их сургуулийн Кибер аюулгүй байдлын чадавхын төвтэй хамтран “Монгол Улсын кибер аюулгүй байдлын өнөөгийн түвшин”-ийг тодорхойлох судалгааг хийлээ

2025-09-22

Цахим хөгжил, инновац, харилцаа холбооны яам, АНУ-ын элчин сайдын яам болон Мэдээллийн аюулгүй байдлын мэдээлэл, удирдлагын төв (MNCERT/CC)-ийн урилгаар ирсэн эксперт М.К. Малкольм Палморыг Цахим хөгжил, инновац, харилцаа холбооны сайд Э.Батшугар 2025.09.22-ны өдөр хүлээн авч уулзлаа. Уулзалтын үеэр Э.Батшугар сайд Оксфордын их сургуулийн Кибер аюулгүй байдлын чадавхын төвтэй хамтран “Монгол Улсын кибер аюулгүй байдлын өнөөгийн түвшин”-ийг тодорхойлох судалгааг хийсэн талаар танилцууллаа. Ингэхдээ судалгаагаар манай улс бодлого, стратегийн чиглэлээр харьцангуй өндөр үнэлэгдсэн боловч стандарт, технологийн чадавхыг нэмэгдүүлэх, халдлага, зөрчилтэй тэмцэх чиг үүргийн байгууллагуудын уялдаа холбоог сайжруулах, олон улсын хамтын ажиллагааг өргөжүүлэх шаардлагатайг онцоллоо. Мөн Монгол Улсын Кибер аюулгүй байдлын үндэсний стратегийн хэрэгжилт, сорилтууд болон хиймэл оюуны үндэсний стратегийн талаар санал солилцож, дэлхий дахинаа кибер аюулгүй байдлыг хангах, хиймэл оюуны хэрэглээтэй уялдсан үндэсний сөрөн тэсвэрлэх чадавхыг бэхжүүлэх нь нийт улс орнуудын өмнө тулгамдаж буй сорилт болж байгааг илэрхийллээ. Түүнчлэн талууд үүлэн тооцооллын аюулгүй байдлыг хангах, кибер аюулгүй байдлын хамгаалалтын чадавхыг сайжруулах шаардлагын талаар санал нэгдэж, цаашид кибер аюулгүй байдлын чадавх болон хүний нөөцийн ур чадварыг дээшлүүлэх чиглэлээр хамтарсан төсөл, санаачилгыг хэрэгжүүлэх боломжуудын талаар талууд санал солилцлоо.