ЦХХХЯ-ны удирдлагууд 21 аймгийн Засаг дарга нартай уулзлаа

Шуудангийн нэгдсэн код илгээмж хүргэлтийг хөнгөвчилнө

2022-08-18

ҮЙЛ ЯВДАЛ Шуудангийн нэгдсэн код илгээмж хүргэлтийг хөнгөвчилнө 2022.08.18 Олон улсад өргөн хэрэглэдэг шуудангийн нэгдсэн кодыг төрийн байгууллагын үйлчилгээг шуурхай хүргэх, хүргэлтийг хөнгөвчлөх хаягт суурилсан үйлчилгээнд өргөн ашигладаг. Зип код нь Монгол улсын нутаг дэвсгэрийн бүсчлэлийн хуваарийн дагуу засаг захиргааны нэгжийн болон хот суурингийн байршлын тухай мэдээллийг агуулсан, тэдгээрийг хөгжүүлэх төлөвлөгөөтэй уялдуулан зохицуулалт хийсэн, давхардуулалгүйгээр оноох нөөц бүхий 5 оронтой тоогоор илэрхийлэгддэг код юм. Уг кодыг хэрэглэснээр хаягийн мэдээлэл алдаатай байсан ч код зөв тохиолдолд илгээмж төөрч цаг алдахгүй, шуурхай хүргэгдэх бөгөөд дэд (авто тээвэр, авто зам болон аялал жуулчлалын бүс нутаг), статистик (байгалийн баялаг, хөрс, ан амьтан, бусад) боловсрол зэрэг олон нийтэд чухал, шаардлагатай мэдээллийг цогцоор нь системтэйгээр нийтийн хүртээл болгох боломж бүрдүүлэх юм. Шуудангийн нэгдсэн кодтой холбоотой дэлгэрэнгүй мэдээллийг www.zipcode.mn, zipcode mongolia гар утасны аппликейшн, 1800-1613 тусгай дугаараас авах боломжтой. https://mddc.gov.mn/wp-content/uploads/2022/08/Zipcode.mp4 Share on facebook Share on twitter Бусад мэдээ

Монгол Улс НҮБ-ын Цахим засаглалын хөгжлийн индексээр “өндөр” түвшнээс “маш өндөр” түвшинд үнэлэгдэв

2025-06-25

НҮБ-ын Эдийн засаг, нийгмийн газраас Узбекистан Улстай хамтран зохион байгуулж буй “Нийтийн албаны форум”-ын үеэр НҮБ-ын “E-Government Survey” судалгааны хүрээнд бүрдүүлсэн дата мэдээлэлд үндэслэн 2022-2024 онд төрийн үйлчилгээг цахимжуулах чиглэлд гаргасан ахиц дэвшлийг үнэлж, 12 улсад батламж гардуулах ёслол болов. Монгол Улс эдгээр 12 орны нэгээр шалгарсан бөгөөд НҮБ-ын Цахим засаглалын хөгжлийн индексээр “өндөр” түвшнээс “маш өндөр” түвшинд дэвшин үнэлэгдсэн нь 28 байр ахиж, дэлхийд 46 дугаарт, Ази тивийн улс орнуудын дунд 13-р байрт бичигдсэн амжилттай байна. Тогтвортой хөгжлийн зорилгуудыг хэрэгжүүлэхэд үлдээд буй таван жилийн хугацаанд улс орнууд инновац, дэвшилтэт технологид суурилсан цахим шилжилтийг эрчимжүүлэх нь чухал ач холбогдолтой юм.

ИРГЭДИЙН ОРОЛЦООГ НЭМЭГДҮҮЛЭХ “E-ZASAG.MN” ЦАХИМ СИСТЕМ

2026-05-27

“Монгол Улсын Засгийн газрын хуралдааны журам”-ын дагуу нийтийн ашиг сонирхлыг хөндсөн асуудлаар иргэдийн гаргасан санал, санаачилгыг “e-zasag.mn” цахим системд 30-аас доошгүй хоног байршуулж, олон нийтийн саналыг авах зохицуулалт хэрэгжиж байна. Иймд Засгийн газрын шийдвэр гаргах түвшинд иргэдийн оролцоог нэмэгдүүлэх, төрийн үйл ажиллагаанд иргэдийн саналыг тусгах, цахим оролцоог дэмжих зорилгоор “e-zasag.mn” системд нэвтэрч, саналаа идэвхтэй өгч оролцоно уу.