Цахим хөгжил, инновац, харилцаа холбооны яам-ны дэд сайд Г.Баярхүү, О.Батжаргал Дорноговь аймгийн Засаг даргын хамтаар мэдээллийн технологийн салбарт үйл ажиллагаа явуулж буй байгууллагуудын төлөөлөлтэй уулзалт зохион байгууллаа. Тус уулзалтад “Мита” мэдээллийн технологийн нэгдсэн холбоо ТББ, “Гэрэгэ Киоск” ХХК, “Интерактив” ХХК, “Монголын цахилгаан холбоо” ХХК, “Тесо Инвестмэнт” групп, “Гэганэт” ХХК, “Сайнс кафе Улаанбаатар” ХХК, “Вертуалплас Монголиа” ХХК, “Текстрим” ХХК, “Апптеч” ХХК зэрэг байгууллагууд оролцож, өөрсдийн хөгжүүлсэн систем, нэвтрүүлсэн технологийн шийдлүүдийг танилцуулж, туршлага солилцлоо. Уулзалт нь “Цахимаар нэн тэргүүнд” үндэсний хөдөлгөөнийг Дорноговь аймагт хэрэгжүүлж буйтай холбогдуулан зохион байгуулагдсан бөгөөд орон нутгийн цахим шилжилтийг эрчимжүүлэх, “Цахим аймаг – Ухаалаг хот” зөвлөмжийг бодитоор хэрэгжүүлэхэд чиглэсэн хамтын ажиллагааны боломжуудыг хэлэлцэв. Хэлэлцүүлгийн хүрээнд дараах чиглэлүүдэд онцгойлон анхаарч, хамтран ажиллахаар санал солилцлоо. Үүнд: Талууд цаашид хамтын ажиллагааг өргөжүүлж, орон нутгийн цахим шилжилтийг бодит үр дүнд хүргэхэд чиглэсэн ажлуудыг үе шаттайгаар хэрэгжүүлэхээр санал нэгдлээ.

Цахим хөгжил харилцаа холбооны яам, Шинжлэх Ухааны Академи, Монгол Улсын Их Сургууль, Шинжлэх Ухаан Технологийн Их Сургууль, Мэдээлэл, Технологийн Үндэсний Парк, Спэйс Академи, Монголын Сансрын Технологийн Холбоо хамтран зохион байгуулсан “КАНСАТ-2023” үндэсний VI тэмцээний дүн гарч, шилдгүүдийн шагналыг гардуулах үйл ажиллагаа өнөөдөр (2023.06.17) Шинжлэх ухааны академид боллоо. Тэмцээн КАНСАТ болон БУЦАГЧ гэсэн хоёр төрлөөр зохиогдож, тэмцээний эцсийн шатанд Кансат төрөлд 11 баг, Буцагч төрөлд 7 багийн оюутан, залуус бүтэн жилийн турш өөрсдийн зохион бүтээсэн лаазанд багтах хэмжээний хиймэл дагуул болон өөрөө явагч роботоороо нисэх бэлэн байдлын үзлэгийг давж хөөргөх эрхээ аван өрсөлдсөн юм. Тэмцээний шилдгүүдээр Кансат төрөлд: Тэргүүн байр: ШУТИС-ийн Мэдээлэл, Холбооны Технологийн Сургуулийн “HIGHTECH” баг Дэд байр: МУИС -ийн Шинжлэх Ухааны Сургууль “Voyager 0” баг Гутгаар байр: ШУТИС-ийн Механик, Тээврийн Сургууль “GIANT” баг Тусгай байр: ШУТИС-ийн Мэдээлэл, Холбооны Технологийн Сургуулийн “Gravity Falls” баг Буцагч төрөлд: Тэргүүн байр: МУИС -ийн Шинжлэх Ухааны Сургууль “PI23” баг Дэд байр: МУИС -ийн Шинжлэх Ухааны Сургууль “NUMSAT” баг Гутгаар байр: ШУТИС – ийн Мэдээлэл, Холбооны Технологийн Сургуулийн “HIGHTECH” баг Тусгай байр: Шинэ Монгол Технологийн Коллежийн “NEW ROBO” багууд тус тус шалгарч шагналаа гардан авлаа. Тэмцээний ерөнхий ивээн тэтгэгчээр: Mongolsat Networks Ивээн тэтгэгчээр: ДДэшТВ | Тусламж | Мэдээлэл (албан ёсны групп) Инженер Геодези ХХК / Engineering geodesy LLC

Монгол Улсын Ерөнхийлөгчийн санаачилгаар хэрэгжиж буй Хархорум хотын төлөвлөлт, бүтээн байгуулалтын ажлын хүрээнд төр, хувийн хэвшлийн түншлэлийн зарчмаар дата төв байгуулах асуудлаар 2026 оны 03 дугаар сарын 04-ний өдөр хамтарсан уулзалт зохион байгуулагдлаа. Уулзалтад ЦХИХХ-ны дэд сайд Г.Баярхүү,  Хархорум хотын Захирагч Л.Халтар, гадаадын хөрөнгө оруулагчдын төлөөлөл, Эрчим хүчний яамны төлөөлөл, Эдийн засаг, хөгжлийн яамнаас холбогдох албаны хүмүүс оролцов. Энэхүү уулзалтаар  Хархорум хотод дата төв байгуулах боломж, техникийн шийдэл, эрх зүйн зохицуулалт, эрчим хүчний найдвартай хангамж, хөрөнгө оруулалтын бүтэц, төр хувийн хэвшлийн хамтын ажиллагааны механизмын талаар дэлгэрэнгүй санал солилцож, хэрэгжилтийн дараагийн үе шатны чиглэлийг тодорхойллоо. Эрчим хүчний яамны зүгээс дата төвийн төслийн эрчим хүчний хангамжийг бодлогын түвшинд дэмжин ажиллахаа илэрхийлсэн бөгөөд Эдийн засаг, хөгжлийн яамнаас Хархорум хоттой холбоотой 2026 онд хэрэгжүүлэх дөрвөн төслийн бүрэн санхүүжилтийг улсын төсөвт тусгасныг онцлон тэмдэглэлээ. ЦХИХХ-ны дэд сайд Г.Баярхүү цаашид холбогдох байгууллагууд хамтарсан ажлын хэсэг байгуулж, шаардлагатай шийдвэр, эрх зүйн баримт бичгийг боловсруулан, төслийг үе шаттайгаар хэрэгжүүлэх хэрэгтэйг онцоллоо.